ٹی ٹونٹی ورلڈ کپ کے لیے کھیل کے شرائط وضوابط اور انعامی رقم کا اعلان

 

انٹرنیشنل کرکٹ کونسل (آئی سی سی) نے ٹی ٹوینٹی ورلڈ کپ کے لیے انعامی رقم اور کھیل کے شرائط وضوابط کا اعلان کردیا۔

📢 Prize money announced for the 2021 ICC Men's #T20WorldCup.

More 👇https://t.co/ebEhDCWYQp

— ICC (@ICC) October 10, 2021

آئی سی سی نے ٹی ٹوینٹی ورلڈ کپ کے لیے 56 لاکھ ڈالرز کی انعامی رقم مختص کردی، ٹورنامنٹ کی جیتنے والی ٹیم کو 16 لاکھ ڈالرملیں گے جبکہ رنرز اپ ٹیم کو 8 لاکھ ڈالرز دیے جائیں گے۔ 

 آئی سی سی کے مطابق سیمی فائنل میں شکست کھانے والی دو ٹیموں کو چار، چار لاکھ ڈالر انعامی رقم ملے گی۔

دوسری جانب نئی پلئینگ کنڈیشنز کے مطابق ہر ٹیم کو ایک اننگز میں زیادہ سے زیادہ دو ریویو ملیں گے۔

بارش سے متاثر ہونے والے میچ میں ڈک ورتھ لوئس قانون کے اطلاق کے لیے کم سے کم ایک اننگز میں پانچ اوورز ہونا لازمی ہوگا۔

آئی سی سی کا کہنا ہے کہ سیمی فائنل اور فائنل کے لیے ڈک ورتھ لوئس قانون دس اوورز فی اننگز پر مشتمل ہوگا، سپر بارہ راونڈ میں ہر میچ کی فتح پر 40 ہزار ڈالرز رکھے گئے ہیں۔ٹی ٹونٹی ورلڈکپ 17 اکتوبر سے عمان اور متحدہ عرب امارات میں کھیلا جائے گا، پاکستانی ٹیم اپنا پہلا میچ 24 اکتوبر کو بھارت کے خلاف کھیلے گی۔

👇👇👇👇👇👇👇👇👇