مظفرگڑھ میں وال چاکنگ پر مقدمہ درج مذہبی تحریر لکھنے پر مالک مکان گرفتار

مظفرگڑھ (سحرِ لیّہ نیوز)

تھانہ رنگ پور کی حدود میں ایک شخص کے خلاف وال چاکنگ کا مقدمہ درج کر لیا گیا ہے۔ پولیس کے مطابق مالک مکان شبیر احمد نے اپنی دیوار پر مذہبی نعرے اور تحریریں لکھوائیں جن میں تاجدار ختمِ نبوت، یا رسول اللہ  سمیت دیگر الفاظ شامل تھے۔

پولیس نے یہ کارروائی سب انسپکٹر بلال احمد کی مدعیت میں کی، اور وال چاکنگ کے الزام میں مالک مکان کو گرفتار کر کے حوالات میں بند کر دیا۔

پولیس ترجمان کا کہنا ہے کہ:

> “وال چاکنگ ایک قابلِ گرفت جرم ہے، شہری احتیاط کریں۔ کسی بھی قسم کی غیر قانونی وال چاکنگ پر مقدمات درج کیے جائیں گے۔”

عوامی حلقوں میں اس واقعے پر مختلف آراء سامنے آ رہی ہیں۔ کچھ شہریوں کے مطابق مذہبی وال چاکنگ پر مقدمہ زیادتی ہے جبکہ دیگر کا کہنا ہے کہ قانون سب کے لیے برابر ہے اور مذہبی جذبات کے اظہار کا قانونی طریقہ اختیار کرنا چاہیے۔